مشروع جااااااامد طحن للبنات

هنشوف النهارده قد ايه الشباب بتساعد البنات على اقامه مشروع تكسب من
اولا المشروع اللى بيفتحوه البنات واحد وما بيتغيرش وهنشوف دلوقتى ليه ؟

والطريقه سهله وبسيطه
فى الاول بقى وصحصحو معايا كده
المعلم يجيب دباديب
وتخلعو وتسيبه وتحب واحد تانى بنفس الطريقه نظره وابتسامه والذى منه
والبيه التانى برده هيجيب دباديب
وتخلعو برده وتروح لغيره لحد ما يبقى عندها
تلاته اربعه وتسعين دبدوب غير شويه القلوب والبطاقات الرومانسيه
والخمسه او سته وعشرين دبله
والاربعه او خمسه وسبعين فاظه ورد صناعى
وبكده تبقى البت جاهزه تفتح محل هدايا للعشاق غير اللى فى المخزن

نصيحه لكل بنت تقرأ الموضوع لو جيه يوم وهو طبعا لازم يجي وعندك شويه دباديب والذى منه
وفتحتى المحل
اللى هتعمليه كالتالى :

اى شاب يدخل ليكى المحل تكرميه وتعمليله تخفيض لان انتى عارفه هو اكيد هيعمل بيهم
ايه (كلام بينى وبينك هو بيساعد بنت فى اقامه مشروع الهدايا)

ولو بنت دخلتلك المحل دفعيها دم قلبها ماتخليهاش تخرج من محلك الا ودفعتيها كل اللى معاها
وتخدى منها اى حاجه رهن على الدين اللى حضرتك طبعا هتدينيها بيه ان شالله حتى شبشبها
ده غير الشيك اللى هتمضيها عليه
لان الحاجات اللى هتشتريها منك دى هيجى يوم وتفتح محل زيك كده وهتبيعهم
واكيد بسعر غالى علشان هى اللى دافعه حقهم لان هى هتهديهم للواد بتاعها
وبالطبع هتسيبه وطبعا كل الشباب ذو كرامه عاليه وعزه نفسه بتنقح عليه
وفيوز الضمير شغال عنده فبيرجعلها الهدايا تانى اما هى ....


وهيجى اليوم وهى هتعمل نفس اللى عملتيه فيها مع اى بنت تانيه واكيد هتكرم الشباب
علشان هي حاسه بيهم وباللى هما بيعانو ..ياعينى

هههههههههههههههههههههههههههههه

فعلا ده احلى مشروع

كده اشطات انا هبدء فيه

جميل جدا
انا شخصيا هفتح مشروعين
والله فعلا فكره جوهنميه
يلا بقي الكل يفتح بسرعه
هاهاهاهاهاها
تسلملنا دماغك يا قمر

تسلموا مريووومة انتى وحب القلوب على المشاركة الحلوة دى

شكرا ليكى على الموضوع
وبجد احنا بيتخرب بيتنا

طبعا يا تيتو كل الولاد اصلا اتخرب بيتهم فى المواضيع اللى زى دى
وميرسى على مرورك